Davao City – Dungan nga nag-duck, cover, and hold ang mga empleyado sa DXDC 621 RMN Davao atol sa first quarter online Nationwide Simultaneous Earthquake Drill (NSED) kagahapong adlawa (Marso 11, 2021).
Alas 2:00 kagahapon sa hapon sa dihang gipatingog ang siren, ang ceremonial pressing of the button pinaagi ni Secretary Delfin Lorenzana, chairperson sa National Disaster Risk Reduction and Management Council (NDRRMC), ug uban pang mga ahensya sa gobyerno, isip ‘go signal’ sa pag-perform sa duck, cover, and hold, pagpangandam sa linog.
Mipartisipar usab ang ubang mga opisina ug establisyemento sa syudad sa NSED apan walay gihimong evacuation drills isip pagtuman sa minimum public health measures batok Coronavirus Disease 2019 (COVID-19).
Una nang gipasabot ni Mark Timbal, NDRRMC Spokesperson, kinahanglang kanunay nga mangandam sa linog aron magbaton og igong kahibalo ang publiko kung unsay angayang buhaton panahon sa aktwal nga sitwasyon ug aron malikayan ang unsa mang disgrasya.
Samtang, 50 minutos una ang online activity, gitay-og ang Governor Generoso, Davao Oriental og 2.1 magnitude nga linog apan walay laumang damyos ug aftershocks tungod kay hinay lamang usab ang pagtay-og.
RadyoMaN Kirby Manzon
