Davao City- Ubay-ubay ka mga Online Libel cases ang nadawat sa Regional Anti-Cybercrime Unit XI karong tuiga ilawom sa COVID-19 pandemic.
Segun ni RACU XI chief Police Col. Ben Jumalon, daghan niini nga mga reklamo magsilingan nga nagbikil sa mga posts sa social media.
Matud sa hepe adunay mga kaso nga naresolba sa mga barangays samtang pipila usab ang naduso sa korte.
“Naa naman gud tanan karon sa cellphone, ga-facebook, instagram. Prone gyod sa anang wala lang para sa ato, ato ning ipasa (ato ning i-post) kay para pangantyaw lang pero ang pikas nasakitan na diay,” segun ni Jumalon.
Nagpahimangno kini sa publiko nga mahimong responsable sa mga i-post sa social media ug hunahunaon kung nakahatag ba kini’g kaayuhan ilabina karon nga nagatubang og krisis nunot sa COVID-19.
RadyoMaN Aimee Guinita
