Online Nationwide Simultaneous Earthquake Drill ilusad

317

Davao City – Gikatakdang himuon karong September 10, 2020 alas 2 sa hapon ang ceremonial nga pagpindot sa button alang sa signal sa pag-duck, cover & hold.

Subay kini sa Third Quarter Nationwide Simultaneous Earthquake Drill o NSED nga pagapangulohan sa Office of Civil Defense (OCD XI).


Atol sa pakighinabi sa DXDC RMN Davao kang OCD XI Info Officer Angielina Payosalan, via online streaming lang ang pagpahigayon sa nasangpit nga aktibidad gumikan sa hulga sa COVID-19.

“Karong semanaha, naay pagahimuong National Simultaneous Earthquake Drill (NSED)… I- invite nato ang mga tao nga mag-participate sa atong NSED… Mag participate ta via facebook live, online lang ta sa pagkakaron,” segun ni Payosalan.

Sumala ni Payosalan, timing ang maong NSED sa linog nga nasinati karon diin usa ka Magnitude 6.4 nga linog ang mitay-ug sa Don Marcelino, Davao Occidental gani nakasinati og Intensity IV niini ang Davao City ug ubang probinsya sa Davao region.

RadyoMaN Renz Barbarona



Facebook Comments