Sa report gikan sa Ecoland Police Station naila ang biktima nga si Chenderilla Esteban Rosales, 22 anyos, taga Cambanugoy, Asuncion, Davao del Norte.
Nahinabi usab sa DXDC News Team ang bana sa biktima nga si Noel Rosales alias ‘Jay-Ar’ gisulti niya, samtang nagpamalit siya og tambal sa maong lugar, sa dihang pagbalik niya gitapuk-an na ang iyang asawa nga nagbuy-od sa yuta nga dunay daghan samad dinunggaban ang lawas.
Matud sa bana, adunay gikabikil sa online selling ang iyang asawa, una pa man nahitabo ang pagdunggab. Sumala pa gikan nagsakay og van ang magti-ayon gikan sa Tagum City padulong sa Sitio Blocon, Matanao, Davao del Sur.
Naglisud pa karon og dawat ang bana sa gidagangatan sa iyang asawa, human brutal nga gipatay tungod adunay usa ka tuig nga batang anak nga nagatutoy kaniya.
RadyoMaN Don Pulayao
