Sikop sa gihimong Entrapment Operation sa National Bureau of Investigation Iligan ang online seller kun asa namaligya ug alcohol ingon man sanitizer sa mahal kaayo nga presyo.
Wala kaikyas ang suspect nga nailang si Wenelyn Apiag, adunay tindahan diha sa may badelles st. corner roxas avenue dihang napalitan kini siya sa mga sakop sa NBI.
Gisikop ang suspect tungod sa kamahal sa iyang mga baligyang alcohol kun asa mo-abot sa tag 375 pesos ang 350ml, samtang ang sanitizer nagkantidad ug 395 pesos.
Matud ni NBI Iligan Chief Atty. Abdul Jamal Dimaporo nga dol-an byente mil pesos ang kantidad sa mga prudokto nga ilang nakunpiskar gikan sa suspect.
Ana karon sa ilang kustodiya ang nasangpit nga suspect ug andam na ang kasong ipasaka batok ngadto kaniya.
