Davao City – Opisyal na nga nagsugod ang Online Tax Payment System pinaagi sa Landbank of the Philippines niadtong January 16, 2019 adlawng Miyerkules dinhi sa dakbayan sa Davao.
Giingon nga ang maong sistema nga gipatuman sa City Treasurer’s Office kun CTO alang sa mga business taxpayers nga buot magbayad sa ilang mga taxes ug sa uban pang fees and charges.
Kahinumduman nga nakigkoordinar ang CTO sa duha ka mga accredited government depository banks nga mao ang Landbank of the Philippines ug Development Bank of the Philippines kun DBP.
Sumala ni Erwin Alparaque, OIC sa City Treasurer’s Office nga ginapinalisar pa nila ug sa DBP ang maong sistema.
“Hopefully by next week we could also start the online payment through DBP. But they assured us that before the end of the month they can utilize the online payment system,” segun ni Alaparque.
Sa karon, padayon ang information drive sa CTO pinaagi sa paghatag og mga flyers ug leaflets.
Dugang pahibalo usab ni Alparaque nga mamahimong magbayad ang mga business taxpayers sa online payment system sa mga nagkalain-laing branch sa Landbank dinhi sa dakbayan.
Sharon Ajoc, HCDC MassCom Intern
