Davao City – Naugdaw ang kapin pulo ka mga propyedad sa miulbong sunog sa Pag-asa extension, Matina Aplaya, Davao City bandang alas 9 kaganinang buntag, Disyembre 13, 2018.
Sa report sa Bureau of Fire Protection kun BFP XI, walo ka mga balay, usa ka lumber yard, usa ka auto shop ug unom ka mga sakyanan ang naugdaw sa maong insidente.
Sa inisyal nga imbestigasyon, nagsugod ang kalayo sa balay nga gipanag-iyahan ni Teteng Rebulta diin sumala sa mga silingan, walay tao sulod sa balay naidtong tungora diin didto sila nakamatikod og pitik-pitik ug pag ulbo sa sunog.
Sa karon, wala pa masuta ang hinungdan sa sunog ug padayon pa kining ginaimbestigahan sa kabomberohan.
Hinuon walay natalang casualty sa nasangpit nga insidente.
RadyoMaN Renz Barbarona
