Operasyon batok Simbualan Drug Group sa North Cotabato, nagpadayon!

General Santos City— Padayon ang ginahimong operasyon sa Philippine Drug Enforcement Agency 12 batok sa usa ka drug group sa probinsya sa North Cotabato.

Sumala kang PDEA 12 Director Gil Castro nga ang maong grupo ang gitawag ug Simbualan Drug Group nga gikonsiderang notoryus nga mga kriminal gumikan mga kalambigitan sa managlahing kriminal nga aktibidad sama sa pagpangarnap, drug trafficking ingon man gun runner.

Nagdumili man usab kini nga hinganlan ang lider sa maong grupo gumikan sa nagpadayon nga pursuit operation.


Dugang pa niini nga mukabat na sa 20 ka mga search warrant ang ilahang gi-serve sa maong grupo ug gipaningkamutan nga madakpan ang tanang mga miyembro niini.

Gani, bag-uhay lang natapos ang gipahigayon nga buybust operation sa usa sa mga key players sa maong grupo nga giila sa pangalang Ray-Ray Alvarez nga miyembro usab sa usa ka iladong pamilya sa North Cotabato.

Dugay na matud pa kining target sa operasyon sa kapulisan sa Kidapawan, apan kanunay nga makasibat, rason nga gitarget sa PDEA 12 ug malampsuong nadakan.

Gilauman man usab ni Director castro nga human ang operasyon batok sa Simbualan Drug Group, adunay mahitabong pagtaas sa presyo sa illegal nga druga sa North Cotabato kung asa adunay dako nga market sa maong grupo.

Giangkon ni Director Castro nga bisan ug sunod-sunod ang operasyon batok illegal nga druga, aduna gihapo’y mga grupo nga nagpabilin sa illegal nga aktibidad gumikan sa dako nga demand niini.

Gihingusgan man usba niini nga samtang siya maoy labaw sa PDEA 12, magpadayon ang ilahang operasyon batok sa mga gikonsiderang source sa illegal nga druga sa rehiyon.

Facebook Comments