Kinumpirma ng Civil Aviation Authority of the Philippines (CAAP) na balik na sa normal ang operasyon ng 28 provincial airports sa bansa.
Kabilang dito ang Bicol International Airport, Tacloban Airport, Zamboanga Airport, Pagadian Airport, Dipolog Airport, Jolo Airport, Tawi-Tawi Airport, Laguindingan Airport, Camiguin Airport, Ozamiz Airport, Dumaguete Airport, Bohol-Panglao International Airport, Puerto Princesa International Airport, Tuguegarao Airport, Cauayan Airport, Basco Airport, Iloilo International Airport, Kalibo International Airport, Bacolod-Silay Airport, Roxas Airport, Antique Airport, Butuan Airport, Siargao Airport, Surigao Airport, San Jose Airport, Romblon Airport, General Santos Airport, Cotabato Airport, at Davao International Airport.
Ang naturang mga paliparan ay naapektuhan din ng power glitch sa equipment ng Air Traffic Management Center (ATMC) ng CAAP.
Nagkaroon din kasi ng kanselado, delayed at diverted flights sa nasabing mga paliparan matapos ang nangyaring aberya noong Bagong Taon.
Tiniyak naman ng CAAP na inaalalayan nila ang airlines sa nagpapatuloy na recovery flights.
