*General Santos City— Gipaklaro ni Geraldine Zamora, labaw sa City Permits and Licenses Division nga illegal ang operasyon sa ANGKAS sa dakbayan.*
*Pamahayag niini nga una na nilang gi-revoke ang business permit sa ANGKAS human nga dili haum ang operasyon sa ilahang gi-applayan nga permit gumikan base sa ilahang application, software app ang ilahang negosyo ug wala giklaro nga ang maong software app maoy gamiton aron nga makapa-boook ug mga pasahero kon ang gitawag nga mga habal-habal.*
*Base sa impormasyon gikan sa Department Of Transportation, walay pagtugot ang angkas nga mag-operate sa Gensan gumikan gitugutan lang sila nga maka-operate pinaagi sa trial sulod sa nga unom ka bulan sa kauluhang Maynila ug sa syudad sa Cebu.*
*Dugang pa ni Zamora nga mamahimong dakpon unsa mang oras ang kinsa mang naga-operate sa angkas sa gensan apan gibuityag niini nga sila sa city permits, ang walay igong kapasidad sa pagpanakop ug ilaha nalang kining gitugyan ngadto sa dotr gumikana ng maong ahensya maoy paghimop ug deputization team aron nga mututok sa angkas.*
