Sa pagkakaron, nagpabilin sa Intensive Care Unit (ICU) ang batan-on ug ilang gipangayo ang pag-ampo alang sa hingpit nga recovery sa criminology student nga taga Monkayo sa maong probinsya.
“As of now nasa ICU na po sya under observation. Sa mga nagtatanong po na mga kaklase nya at sa mga ka batch ko po at mga kaibigan, pasama pa rin po sya sa mga prayers nyu na sana tuluyan na po maging stable ang kalagayan nya,” Facebook post ni Joe Lilia
Sa pakighinabi sa DXDC RMN Davao Police Staff Sergeant Addaser Aming, imbestigador sa Compostela Municipal Police Station (MPS), nagpadayon gihapon ang ilang pag-check sa mga available closed-circuit television (CCTV) footage sa lugar, aron makita ang panghitabo ug aron maila ang mga responsable sa insidente.
“Nag-follow up gyud to sila (pamilya sa biktima) sa amoa nga kung pwede ma-identify na (ang mga suspect). Ginabuhat gyud namo among makaya lagi kay kanang mga orasa wala kaayoy witness nga tao ana. Mao na’ng nagasubay gyud mi sa mga CCTV,” sulti sa imbestigador.
Sa kasamtangan, padayon pang gina-establisar ang motibo sa insidente. Matud sa pamilya ug higala sa biktima, wala silay nahibaloan nga nagbaton og kaaway ang 18 anyos nga batan-on ilabi na nga bag-o pa lamang kini sa maong lugar.
RadyoMaN Kirby Manzon
