General Santos City–Gihingusgan ni Police Colonel Aden Lagradante, City Pnp Director sa Gensan City Police Office nga usa ka lehitimo ang ilang matag operasyon sa ilang mga target suspek nga wala miundang sa paglambigit sa iligal nga droga.
Sumala pa ni Lagradante nga bisan pa man nag-atubang sa krisis ang nasud sa covid 19 dili pasabot nga mi-undang na sila sa ilang kampanya batok droga , inay nagpadayon kini gumikan mao kini ang gustong mahitabo ni Pangulong Rodrigo Duterte nga mapakgang ang droga sa nasud.
Hinungdan nga walay undang ang operasyon sa kapulisan tungod kay duna gihapon silay namomintor nga mga tawo sa padayon nilang illegal nga gimbuhaton.
Gipaklaro sa opisyal nga ilang girespeto ang reaksyon sa katawhan hilabi na sa pamilya sa mga napatay sa operasyon nga sagad sa rason wala misukol ang mga suspek apan sa sa bahin sa kapulisan ila lamang gidepensahan ang ilang kaugalingon hilabina kadtong ilang target nga dunay mga armas hinungdan nga kini mapatay gumikan kay misukol sa otidad.
Kahibaloan nga nga niadtong adlaw nga Sabado, patay sa operasyon sa kapulisan ang suspek nga si Efren Sanchez human misukol, samatang karong semanaha patay usab ang duha ka suspek sa operasyon nga silang Razzel De Guzman ug Efren Escolta nga nakuhaan usab ug mga droga ug armas. (RV)
