Sa pakigbatok sa illegal logging uban sa personahe DENR, 1,188 ka operasyon ang napahigayon nga kung diin lima ang gikatahong illegal logging nga insidente nga miresulta kini sa pagka aresto sa 18 ka indibidwal, nakumpiska usab ang mga item nga moaabot sa 32,782.15 adunay market value nga 1,534, 357.94 ang tanan anaa ge turn over sa DENR.
Sa pagkigbatok usab sa cattle rustling, adunay 3,020 ka operasyon ang napahigayon ug miresulta kini sa pagka sikop sa unom ka suspek ug narekober ang 44 ka baka. Napasaka na korte ang kaso batok sa duha ka mga suspek tungod sa paglapas sa PD. 533 nga nailang Anti-cattle rustling law of 1974.
Samtang sa carnapping, usa ka vehicle ang gikatahong nawala ug 42 ka motorsiklo ang ge carnap. 33 niini ang nakuha pagbalik, samtang 20 ka indibidwal ang napasakaan ug kaso sa korte.
Moaabot usab sa 32, 632 ka oplan bakal/sita ang napahigayon pinaagi sa checkpoint tungod sa pag implementar sa police integrated patrol system (PIPS) ug lambat sibat nga miresulta sa pagka kumpiska sa 86 ka armas nga gilangkuban sa 79 ka mugbo nga armas ug 7 ka tag-as nga armas, adunay 21 ka kaso ang napasaka sa korte.
Sa pagkakaron padayon gihapon ang pagpaningkamot sa kapulisan sa Zamboanga del norte aron sa ma mentenar ang kahapsay ug kalinaw dinhi sa atong dapit.
