Davao City – Gitubag sa Land Transportation Office (LTO) XI ang isyu karon sa social media nga nagsulting sila ‘killjoy’ tungod sa pagdakop sa mga illegal nga silbati sa Davao City.
Sumala kang Atty. Loida Igdanes, ang head sa LTO XI Operations Division, iyang gipasabot nga dugay ni kini nga balaod ug igo lamang gipakusgan karon.
Dugang pa nga daghan na sila og nadawat nga reklamo sa ilang buhatan kalabot niini nga nagamugna og ‘dancing sounds’ nga mao karon ang hinungdan na hinuon sa disgrasya ilabi na sa mga batang mag atang sa kalsada.
“Of course kay violation ni. Dili pwede nga amo ning pasagdan ug magpakabuta bungol ang LTO tungod lang ganahan ang tao, ganahan ang publiko, nalingaw sila. It doesn’t mean nga nalingaw sila, tama to siya,” segun ni Atty. Igdanes.
Pahinumdom sa LTO nga P5,000 ang penalty sa magmalapason dala imbargo sa illegal nga silbato.
RadyoMaN Ivy Parido
Facebook Comments
