Roxas City, Capiz – Suportado ni Police Senior Superintendent Samuel Nacion, Provincial Director sang Capiz Police Provincial Office ang pagsugod na sang operasyon sang Small Town Lottery (STL) sa probinsya sang Capiz.
Suno diri nga ang operasyon sang STL ang may pahanugot na sa National Government ilabi na kay Presidente Rodrigo Duterte. Nagapati si Nacion nga madamo sang mga illegal nga pasugal ang magatuhaw sa probinsya sa ti-on nga magsugod na ang lehitimo nga operasyon sang STL.
Bangud sini, nagapanawagan ini sa mga iligalista nga untaton na ang pagpataya sang iligal nga pasugal kag mag-upod na gid lamang sa lehitimo nga operasyon sang Small Town Lottery sang PCSO.
Apang sa ti-on nga magpakatig-a kag magpadayon ang mga ini sa ila iligal nga buluhaton, mapilitan sa gihapon ang mga kapulisan nga pasangkaron ang ila operasyon batuk sa illegal gambling.
Patigayunon sang PCSO ang pinakauna nga draw sang STL sa Capiz sa maabot na nga Agosto 9, 2017.
