Davao City – Angayan gyud untang sundon sa mga kandidato ang gimando sa Commission on Election (COMELEC) kabahin sa pagpamutang sa ilang mga campaign materials ug dili magpataka na lamang.
Giingon sa tigpamaba sa Department of Education (DEPED-XI) Jenelito “Dodong” Atillo, maayo ang gihimong Operation Baklas sa COMELEC tungod kay wala gituman sa ubang mga kandidato ang gimando nga mga lugar nga didto ibutang ang mga election materials.
Matud ni Atillo, daku kini nga trabaho sa pagpanguna sa COMELEC tungod kay inig human og tanggal pulihan na usab busa angayan gayud nga tumanon sa mga magpapili ang gitagana nga lugar nga didto ipamutang ang ilang mga posters.
Tungod niini giingon usab sa tigpamaba sa DEPED-XI nga daghan kaayong mga violation nga nahimo karon ang mga kandidato busa nagkinahanglan kini og hinanaling akasyon sa COMELEC.
RadyoMaN Bernard Pantallon
