Davao City – Padayon ang operasyon sa Tagum City Traffic Management Unit ug kapulisan aron sa hingpit mahipos na ang mga badlungong nagkatag sa dalan sa nagkandaiyang barangay sa Tagum City, Davao del Norte.
Sa impormasyon gikan sa TMU, nahipos sa ilahang buhatan ang 17 na ka mga bora bora, 8 ka impound nga motor, 16 ka citation ticket ug 5 ka Temporary Operator’s Permits (TOP).
Gani dako ang pasalamat sa Tagumenyong si Florencio Adolfo Jr. sa pagpaningkamot sa otoridad nga masikop kining mga driver nga kusog magparangrang sa ilang mga bora bora nga motorsiklo nga daw halos way undang hangtod kaadlawon.
Subay niini, pipila ka Davaoeños sama ni Julie Nacor ug Mar Lugnib ang nanghinaut nga aduna sab untay regular bora bora operation sa Davao City aron dakpan kadtong mga walay lisensya nga wala misunod sa mga balaod sa kalsada.
RadyoMaN Ivy Parido
Facebook Comments
