Ginpahamtang sa blue alert ang operation centers sang 180 ka barangays sa syudad sang Iloilo.
Kasunod ini sang mando ni mayor Jose Espinosa III bilang pagpanghanda sa pagsulod sang typhoon ompong.
Sa ginpaggwa nga memorandum order ginmaduan sang alkalde ang tanan nga Barangay Disaster Risk Reduction and Management Committees nga mag “conduct sang disaster preparedness measures agud masigurado ang kaluwasan sang mga pumuluyo.
Martes pa lang gin convene na ni mayor Espinosa ang Iloilo City Disaster Risk Reduction and Management Council para sa pre-disaster risk assessment (PDRA).
Sa sinapol, ginpakita ni Franco Agudo, alternate representative sang committee on disaster preparedness ang 40 ka barangays nga ara sa dako nga risgo sang pagbaha.
Bilang pagpanghanda nagpain na ang city social welfare and development office sang food kag non-food items para sa 1,800 ka pamilya.
Nakahanda naman ang mga bulong kag prophylaxis para sa leptospirosis kag antibiotics para sa mga adults.
Photo via CDRRMO
