Operation plan sa panahon sang paskwa ginapatuman sang ICPO agud magbantay sa seguridad sang mga pumuluyo

ILOILO CITY – May ginapatuman na nga operational plan ang Iloilo City Police Office (ICPO) agud mapunggan ang pagluntad sang mga petty crimes sa siyudad sang Iloilo subong nga panahon sang paskuwa.

Ini ang ginpahayag ni ICPO Director Sr. Supt. Henry Biñas sa interview sang RMN Iloilo.

Suno kay Biñas nga ginhandaan sang ICPO ang ini nga okasyon bangud ginalauman ang pagdagsa sang mga malain nga elemento agud mangbiktima sang mga tawo nga masako ang pamalaklon sa mga balaligyaan sa siyudad.

Pinaagi sa pagpalapta sang kapulisan, matapna ang mga kawatan sa paghimu sang ila mga modus operandi sa pagpamentaha sa ila target nga biktimahon. /// Photo from web