TACLOBAN CITY – Titikangan na han City Government of Tacloban an ira regular nga aktibidad kada Summer Season nga operation-tuli nga magtitikang yana nga Abril tubtob ha Mayo 2018.
An mga barangay in gin grupo ha pito Ka-cluster Health Center han City Health Office nga bibisitahon kada byernes agud maghatag hin libre nga circumcision service.
Magtitikang an panuri ha Abril 6 ha San Jose District Health Center, Abril 13 ha Sagkahan District Health Center, Abril 20 ha Diit Health Center, Abril 27, ha V&G District Center, Mayo 4 ha Abucay District Health Center, Mayo 11 ha City Health Office, ngan Mayo 18 ha Suhi District Health Center.
Sumala han Tacloban City Information Office nga gin-aaghat an mga interesado nga maka-avail han mao nga prorama ngan magparehistro ha mga nasabi nga cluster health center.
An makaka-avail han minor medical procedure in matatagan hin libre nga medisina.
Samtang, gin aaghat naman ni City Health Officer Jaime Opinion an makaka avail han free circumcision service nga mag-refer hin atleast duha nga indibidwal nga makakadonar hin dugo nga makakabulig ha manginginahanglan hin blood transfusion.
