Operational guidelines para sa pag-avail sang booster doses sang mga fully vaccinated Healthcare Workers sa Capiz ginahulat pa sang PHO

Roxas City, Capiz – Ginahulat pa sang Provincial Health Office(PHO) ang operational guidelines halin sa National Vaccine Operations Center(NVOC) para sa pag-avail sang booster doses sang mga fully vaccinated Healthcare Workers sa Capiz.
Ini ang ginpahayag ni Provincial Health Officer II Dr. Ramon Alex T. Nolasco sang na-interview sang dyVR RMN Roxas.
Ginpahayag sini nga sa ila bahin sa PHO, may yara naman sila sang ideya kun anu nga mga brand sang vaccine ang sarang nga pagagamiton para sa booster shots.
Mahibaluan nga base sa base sa Emergency Use Authorization(EUA) nga gin-issue sang FDA, kalakip sa ginarekomendar sang Department of Health nga mga bakuna amo ang Moderna, Pfizer kag Sinovac bilang ‘booster doses regardless of the brand used for the primary series’.
Nahibaluan nga subong nga adlaw sang Mierkules, gin-umpisahan na sa nasyonal ang vaccination roll -out sa pag-avail sang booster doses sang mga fully vaccinated Healthcare Workers.
Samtang pagasundon sa gihapon ang priority list nga gin-obserbar sang nakaligad nga bulan snag Marso kun sa diin unahon ang mga hospital health care workers, pagasundan sang mga essential healthcare workers halin sa nagkatuhay nga government units.
Samtang igatugyan naman sa tagsa ka mga LGUs ang stratehiya kun paanu nila ini igapatigayun.

Facebook Comments