Davao City – Usa ang internet sa pinaka importante sa dagan sa ekonomiya sa mga kanasuran sa kalibutan nga kun hinay gani ang speed niini, daw apektado ang mga kumpanya sa ilang operasyon.
Sa mga nasud sa Asya, bugtong ang Pilipinas na lang ang adunay pinakahinay nga speed sa internet nga gihatag sa tulo ka higanting telecommunication companies kun giant telcos.
Sagad sa yangungo sa mga subscribers ang sobra kaayo ka daku sa bayrunon matag buwan apan walay klaro nga serbisyo gihatag sa tulo ka higanting telcos.
Si kanhi DCCCII President Tony Dela Cruz, mialma karon sa ka walay klaro nga serbisyo sa mga telcos sa nasud gumikan apektado ang operasyon sa iyang kumpanya panahon mag-aginod ang speed sa internet.
Busa gipalagan ni Dela Cruz ang pagsuway og sabotahe sa pipila ka indibidwal aron dili hingpit makasulod sa Pilipinas ang ikatulong telecommunication player nga nakabase sa laing nasud nga may aplikasyon sa gobyerno.
Kabahin sa saad ni Pres. Rodrigo Duterte sa miaging kampanya ang pagpasulod og ikatulong telco aron maundang na ang manipulasyon sa existing telcos sa nasud karon.
Apan halos tulo na ka tuig sa gahum si Duterte, wala pa gihapon nakasulod ang ikatulong telco tungod sa taktikang gihimo sa uban nga dili gusto og kusog nga internet tungod sa business rivalry.
Gitindogan si Dela Cruz nga angay nang adunay ikatulong telco nga mag-operate sa Pilipinas aron maghatag og mas ubos nga presyo sa internet services apan maayo ang serbisyo sa publiko.
Wala mawad-i og paglaum ang kanhi pangulo sa mga negosyante sa dakbayan nga sa dili madugay makasulod ra sa nasud ang ikatulong telco una matapos ang termino ni Duterte sa 2022.
RadyoMaN Joel Viray
