Davao City – Base sa basa sa University of Mindanao Institute for Popular Opinion (UM-IPO), ‘unprecedented’ ug talagsaon ang nigawas nga resulta sa latest Pulse Asia survey kabahin sa padayong pagsutoy sa approval ug trust ratings ni Pres. Rodrigo Duterte.
“This is really unprecedented, usually naa nay ‘spiral away’ pag abot sa third year pero karon consistent. In context, i-conduct ang survey kung dagha’g kakulian kun issues nga may kalabutan sa pagpamuno sa usa ka lider even kadtong sa transportation problem,” dugang pagpatin-aw sa academician.
Gibutyag ni Dr. Adrian Tamayo sa UM-IPO nga kasagaran sa mga lideres mobaba gayud ang ratings ini’g human sa ‘honeymoon period’ kun sagad paghidangat sa ikatulong tuig sa ilang termino.
Dugang ni Tamayo, gipagula ang survey atol sa daghang mga isyung nagapanghitabo ug naghagit sa pamunuan niadtong tungora.
Gisugilon usab ni Tamayo nga hinoon nahimong ‘consistent’ si Pres. Rodrigo Duterte sa iyang mga saad panahon sa pagpangampanya hangtod karon hinungdan sa padayong pagsaka sa ‘approval and trust ratings’ nga nasakmit sa rehimeng Duterte sa magkasunod-sunod nga mga opinion poll surveys.
RadyoMaN Jason Amisola
