Davao City – Usa lamang ka giya kun ‘guide’ ang nabatasan na nato nga paglista og mga New Year’s resolutions kun gitinguha nga mga kabag-ohan or ma-achieve sa pag-entra sa lain na usab nga brand new year.
Matud ni Ms. Chona Gayramara, public school teacher sa may San Roque Central Elementary School, ang New Year’s resolutions usa lamang ka listahan sa mga gusto natong mahitabo nga kausaban sa kinabuhi alang sa Bag-ong Tuig nga wala matuman sa nakalabay mga katuigan or mga bag-ong targets.
Dugang ni Gayramara, usa ka ‘practical necessity’ ang paghimo og listahan aron makabaton kita’g klarong tumong nga gustong kab-oton aron makalaum kita nga adunay mausab sa dagan sa atong kinabuhi alang karong tuiga.
Hinoon gipasabot sa magtutudlo nga diha sa atong talaan sa mga personal goals or targets, ang uban natuman samtang ang uban pakyas gumikan sa daghang mga kakulian o suliran.
RadyoMan Bernard Pantallon
