Davao City – Dili mamahimong wad-on sa hingpit ang mga middlemen o mas nailang komparadores o jamboleros tungod kay sila man ang maghatud sa mga produkto didto sa mga retail outlets.
Sumala ni Davao City Second District Councilor Diosdado Angelo Mahipus Sr., tungod kay ang ilang pagnegosyo nahasubay man sa lagda nga ‘freedom of enterprise’ apan mamahimo kining i-regulate.
Matud ni Mahipus, gikinahanglan adunay price control aron dili mabiktima ang mga konsumante sa mga mapahimuslanong negosyante.
Samtang sugyot ni Mahipus nga aron dili motaas ang presyo sa mga produkto sa kaumahan nga itumod ngadto sa mga merkadohan, suportahan sa gobyerno pinaagi sa subsidiya, seedlings, post-harvest facilities, free and functional irrigation ug uban pang panginahanglanon sa atong mga mag-uuma.
RadyoMaN Bernard Pantallon
