Davao City – Posibleng mawad-an og gana sa pag-eskwela ang kabataan ug ma-anad na lang sa pagdula-dula kung dili mapatungha ang mga estudyante karong tuiga.
Kini ang nahimong reaksyon ni Edgar Novela, Sto.Niño Central High School Principal dinhi sa syudad.
Subay niini, dunay gidusong balaod karon ang Senado nga maghatag og gahum kang Presidente Rodrigo Roa Duterte sa pagsibog sa pag-abli sa klase karong tuiga ug anaa na karon sa 3rd and final reading.
Kahinumduman nga gisulti usab sa pamuno-nasud nga kung walay bakuna kontra COVID-19 walay mahitabong klase.
Apan gipasabot ni Novela nga kinahanglan mangita gayud og pamaagi aron mapadayon ang pagtungha sa kabataan bisan ug walay face to face teaching sama sa ilang ginaduso karon nga blended learning (online ug offline).
RadyoMaN Paul Canono
