OPINYON: Leksyon sa mga "pervert" o manyak!

41

Nahimong leksyon sa 74 anyos nga taxi drayber ang iyang nabuhat sa iyang 21 anyos nga pasahero sa dihang gipatawag ang maong senior citizen sa LTFRB tungod sa pasangil nga iyang gihikap ang paa sa maong pasahero, gigunitan ang kamot niini ug gipangayoan og mobile number.
Atol sa maong hearing gi-angkon ra pud sa taxi drayber ang pasangil sa maong dalaga. Isip silot gipamulta ni og 12,000 pesos ug giimbargohan sa iyang driver’s license. Ang operator pud sa maong taxi gipamulta og 2,000 pesos kay naa pud ni kalapasan nga nahimo.
Suma pa sa awtoridad nga nahibaw-an ang lokasyon sa drayber tungod kay mihatag man ni sa iyang mobile number ngadto sa dalaga. Sa pikas bahin ang babaye mihatag og wrong number ngadto sa drayber. Ni-viral iyang facebook post niadtong October 6 ug nakakuha pud ni sa atensyon sa LTFRB.
Kining panghitaboa mamahimo untang leksyon sa mga pervert o may tendency nga magbinastos publicly o sa mga tao nga dili nila kaila. Hinomduman unta nila nga dili gyud angay bastoson ang bisan kinsang pasahero pobre man o dato ug hitsura, babaye man o laki, may edad man o batan-on. Labi na gyud ang kababayen-an, mga katigulangan ug PWD. Kay naay mga balaod nga nagprotektar kanila.

Hinuon kani pud nga mga klase sa mga tao maglisud og control sa ilang sexual urge apan ug ikaw minyo o may pares dapat gyud pugngan. Dapat kontento ka sa imong pares. Kung dili gyud madala o sobra na ang imong ka “manyak” kinahanglan unta nga ang pamilya mismo maoy motabang nimo o ba kaha ikaw mismo magpakitabang nila. Basig magkinahanglan na og expert para ma prevent o matagaan og solusyon sa susamang kondisyon.

Facebook Comments