Davao City – Gilantaw nga ‘politically-motivated’ ang gilaraw sa mga oposisyon nga banhawon ang congressional investigation kalabutan sa alleged drug links ni Davao City First District congressional aspirant Paolo Duterte.
Matud ni William Glorianne, presidente sa Samahan Kontra Krimen at Abusadong Pulis kun SAKKAP nga tataw nga pagpandaut lamang kini sa kanhi bise-alkalde sa dakbayan tungod kay gitunong pa ang paggula sa maong mga isyu karong eleksyon.
“Strategy pod na nila kay ana man gyod ng pulitika, bisan wala kay baho, pangitaan ka’g ligas aron lang madaut ka. Kay eleksyon karon unya kusog ang Hugpong, ila na pod pangitaan ug pamaagi aron madaut ang grupo,” matud ni Glorianne.
Sumala ni Glorianne nga dili usab gikinahanglang patulan ang imbitasyon ni Trillanes kang Pulong nga ipakita ang iyahang patik kun ‘dragon tattoo.’
Sa pikas bahin, si Atty. Eleonor Dela Peña, presidente sa Integrated Bar of the Philippines (IBP-Davao) personal nga nagtoo nga angayang depensahan ni Sen. Antonio Trillanes IV ang iyang alegasyon kontra kang Pulong.
Dugang ni Dela Peña nga dili mamahimong pugson ang usaka tawo nga ihilambigit ang iyang kaugalingon sa usa ka salaud ubos sa prinsipyong ‘self-implication’ sanglit usa ka constitutional right sa usa ka akusado nga magpakahilum ilawom sa doktrina-legal nga ‘right to remain silent’ ug ‘presumption of innocence unless otherwise proven by a competent court of law or justice.’
RadyoMaN Aimee Guinita
