Davao City – Inanay na nga nag-normalize ang syudad sa Davao luyo sa gipatumang klasipikasyon sa quarantine kung dili ‘ta magpasagad sa pagtuman sa mga health guidelines aron malikayan ang pagkuyanap sa coronavirus disease kun COVID-19.
Sumala sa iladong Davao print journalist, veteran columnist ug editor Antonio Ajero sa Edge Davao, ang ECQ quarantine classification karon sa atong syudad angay sundon tungod kay mao kini ang rekomendasyon sa mga medical experts pinaagi sa Inter-Agency Task Force on Emerging & Infectious Diseases (IATF-EID) sa kahimtang sa kaso sa COVID-19 sa dakbayan nga ilang gisumite ngadto kang Pres. Rodrigo Duterte.
Matud ni Ajero, makaapekto sa inanay nang pagbalik sa normal kung ang katawhan magpasagad, busa kinahanglan gyud ang padayong pagtuman sa mga palisiya aron dili na modaghan pa ang nahisgotang mga positive cases.
RadyoMaN Bernard Pantallon
