Roxas City, Capiz – Suspendido na ang trabaho sa tanan nga government offices umpisa subong alas dose sang udto (October 31) para hatagan ang mga empleyado sang bastante nga tiun agud nga maghanda sa pag-obserba sang “Undas.”
Madumdoman nga ginpirmahan ni Executive Secretary Salvador Medialdea, sa mando man ni P- Rodrigo Duterte, ang Memorandum Circular No. 69 nga nagadeklara sa suspensyon sang government work.
Samtang indi naman sakop sa nasambitan nga memorandum ang mga ahensya sang gobyerno nga kalakip sa pagdul-ong sang basic kag health services, preparedness or response to disaster and calamities kag performance sang iban pa nga vital services.
Sa pihak nga bahin, half day man ang sulod sa tanan nga sangay sang judiciary subong nga adlaw.
Hugot man ang direktiba sang DILG sa mga Local Government Units nga magtutok sa pagmonitor sang seguridad kag kaayusan sa ila nasakopan sa adlaw sang Undas.
Ginapa-convene man ni Interior Secretary Eduardo Año ang mga local peace and order councils para maghanda sang contingency plan.
Ginapahulag man sang DILG Chief ang mga barangay tanods nga magbulig sa pagpabilin sang kaayusan sa mga public kag private cemeteries, mga memorial parks; kag sa local kag national roads.
