Sergio Osmeña, ZDN-Hangtod karon blangko pa ang kapulisan sa lungsod sa Sergio Osmeña kun unsay motibo sa nahitabong pagpusil patay kang konsehal Jose Rey Baid Bongcawel didto sa Brgy. San Isidro, Sergio Osmeña, ZDN.
Nahitabo kini niadtong adlawng martes oktubre 2, 2018 mga 6:30PM kapin kun kulang, didto kini siya gipusil sa iyang pinuy-anan.
Nakaangkon ug samad pinusilan sa nagkadaiyang parte sa iyang lawas nga maoy hinungdan sa iyang wala damhang kamatayon.
Anaa sa walo (8) ka mga wala nailang mamumuno ug gituohan kining mga myembro sa CPP/NPA nga naka suot ug camouflage uniforms ug armado kini sa M14, M16, ug AK47.
Sa pakignihabi ngadto kang PO3 Reynante Obnimaga Bersales gibutyag niini nga wala kini kalambigitan sa NPA mao nga galisod sila kun unsay hinungdan sa pagpusil kaniya nga usa raman siya ka yanong konsehal sa ilang barangay.
