General Santos City—Hugot nga gidepensahan karon si Police Inspector Enrejo- Deputy Chief Of Police sa Police Station 4 ang duha ka mga pulis nga sakop sa ilang police station nga gireklamong nangulata.
Sumala ni Enrejo nga base sa ilang imbestigasyon, wala gikulata ang reklamanteng si Ceres Reyes kondi igo lang gipugngan nila ni Po1 Micheal Roma ug Police Officer Rodolfo Lumawag tungod nagmaoy na niadtong higayona si Reyes.
Hinuon gipaklaro ni Inspector Enrejo nga ila naman gikasabot ang inahan sa reklamante ug ilang nasabutan nga tubagon sa duha ka mga pulis nga gireklamo ang mga galastuhon sa pagpatambal sa reklamante.
Gani gikanayon ni Enrejo nga sila pa ang mitunol ug kwarta sa inahan sa nagreklamo aron nga ipa-medical ang ilang anak gumikan buoit nila king matabangan.
Apan iyang gihingusgan nga sa kabahin sa duha kja mga pulis dili tinuyoan ang nahiagom nga bun-og sa reklamante kundi resulta langh sa pagpugong kaniya. Una nang nanghingusog ang inahan sa biktima nga dili kamaong manikal ang iyang anak nga mireklamong gikulata sa duha ka mga police sa Police Station 4.
Apan depensa usab ni Inspector Enrejo nga dili man usab makahimo sa pagpakakak ang mga pulis sa susamang sitwasyon. Subli niining gihingusgan nga sila sa kapulisan andam sa unsa mang tulubagon alang sa reklamante. (Jordan Britos)
