Sa interview sa DXDC RMN Davao kang Police Lieutenant Colonel Jeffrey Latayada, Officer-In-Charge sa Tagum City Police Station, iyang gibutyag nga naglusad karon ang ilang buhatan og maximum deployment sa mga crime prone areas lakip na ang pagpakusog sa intel monitoring ug awareness campaign.
Dugang ni Latayada nga nagahatag sila og I.D sa mga Single Motorcycle Association Members isip lisensya nga sa ilaha pwede makasakay ang mga pasahero.
Pahimangno niya sa katawhan nga kuhaan una og litrato ang mga I.D niining mga drivers bag-o sila musakay.
Giawhag usab ni Latayada ang mga barangay officials nga magtagtag og mga tanod sa ilang mga lugar ilabi na sa mga ngitngit ug suok nga dapit human nga natala ang sunod-sunod nga pagpanulis ug pagpanion og pusil sama sa nahitabo sa Purok Gumamela, Purok Rambutan, Santol La Filipina sa naasoy nga syudad.
Ang maong lihok sa Tagum City PNP nahisubay sa mas gipakusgan nga OPLAN ASA KA kun ang Anti Sexual Abuse, Kidnapping and Anti- Criminality Campaign.
