Davao City – Pito na ka mga tawo ang nasikop sa kapulisan sa Calinan PNP nga nakuhaan og armas ug mahait nga hinagiban human hugot gipatuman ang ‘Oplan Bakal Sita’ ngadto ilang area of responsibility.
Sumala ni Calinan PNP station commander Police Chief Inspector Michael Uyanguren nga matag gabii magpahigayon og ‘Oplan Bakal Sita’ ngadto sa mga lugar nga sagad daghanan og tao sama sa videokehan, public market, terminal, mga establisemento ug sa mga lugar nga adunay kalingawan sama sa search ug uban pa.
Gidugang ni Uyanguren nga tumong niini mao ang aron mapakgang sa kapulisan ang mga tao nga magdala og mahait nga hinagiban ingon man nga magdala og armas.
Gikanayon ni Uyanguren nga padayon ang ‘Oplan Bakal Sita’ sukad gisugdan niadtong Disyembre tuig 2017 hangtod karon bulan sa Enero tuig 2018.
Radyoman Don Pulayao
