Davao City – Aduna nay gimugna nga Oplan Baklas ang Commission on Election (COMELEC) sa matag distrito sa syudad sa Davao ug sa uban pang mga probinsya sa rehiyon alang sa pagtanggal sa mga campaign posters/tarpaulins nga wala nahisubay sa guidelines sa buhatan labi na sa pagsugod sa campaign period.
Sa pakighinabi sa DXDC RMN Davao kang Atty. Krisna Samantha Caballero, spokesperson sa COMELEC, gibutyag niini nga pangunahan ang Oplan Baklas sa mga election officers kauban ang Department of Public Works and Highways (DPWH) ingon man ang kapulisan.
“Naa na tay gi-create nga Oplan Baklas spearheaded by.. sa atong mga election officers with the DPWH ug atong kauban sa kapulisan as their members.” segun ni Caballero.
Gipasabot sa opisyal nga sa Oplan Baklas, hatagan pa sa buhatan og notice ang kandidato sa pagtanggal sa ilang campaign materials. Apan kung dili gihapon kini matanggal human ang tulo ka adlaw, diha na kini baklason dayon pahamtangan og tukmang silot sa paglapas sa fair election act nga ginapatuman sa COMELEC.
RadyoMaN Kirby Manzon
