Davao City – Nagpahimangno ang Land Transportation Franchising and Regulatory Board (LTFRB) Davao sa mga drivers ug operators sa mga pampublikong sakyanan nga mag-amping sa pagmaneho, maningil ug saktong pamasahe, maghinay sa padagan, dili mag-drive kung nakainom ug ang mata angay sa kalsada ug dili sa cellphone.
Subay niini sugdan na sa LTFRB- Davao ang Oplan Bantay Byahe Undas 2023 aron matutukan ang hapsay ug luwas nga pag-uli sa mga mubyahe lakip na ang pagsiguro sa saktong mga dokumento sama sa prangkisa, OR, CR ug uban pa sa mga Public Utility Vehicles (PUVs) nga mubyahe karong kalag-kalag.
Atol sa Oplan Bantay Byahe, magmuntar usab og Helpdesk sa Davao City Overland Transport Terminal (DCOTT) sugod karong October 27, 2023 aron sap ag-assist sa mga pasahero sa umaabot nga long-weekend.
RadyoMaN Ivy Parido
Facebook Comments
