Davao City – Naka-red alert status ang Philippine Coast Guard Southeastern Mindanao sukad niadtong Marso 25 para sa Oplan Biyaheng Ayos Semana Santa 2019 hangtod sa matapos ang bakasyon karong Hunyo.
Atol sa interbyu sa RMN Davao kang Philippine Coast Guard Southeastern Mindanao Commander Commodore Roy Echeverria nga 24/7 nga magpatrolya ang ilahang mga personahe lakip na mga K9 units aron masigurado nga luwas ang tanang mga mubyahe.
Maginspeksyon ang Coast Guard sa tanang mga barge ug lantasa aron siguraduhong nisubay kini sa mga maritime regulations ug dili kini mulapas sa kapasidad sa mga pasahero.
Subay niini, activated usab ang Oplan Jellyfish diin hugot nga bantayan ang seguridad sa tanang mga langyaw ug mga bisitang mudagsa dinhi sa Davao Region nga magbakasyon.
Katambayayong sa Coast Guard ang AFP ug PNP diha sa mga operasyon alang sa luwas nga pagkomemorar sa Lenten Season.
RadyoMaN Aimee Guinita
