Pagadian City – Gatusan ka indibidwal ang ni-apil sa gipahigayon nga Oplan Broadcastreeing 2018 sa Kapisanan ng mga Brodkaster sa Pilipinas o KBP Zamboanga del Sur sa Brgy. Manlayag, Tukuran niining probinsya niadtong sabado.
Nagpasalamat si KBP-Zamboanga del Sur Chapter Chairman Melchor Coronel sa tanan nga nisalmot ug nisuporta sa maong tree planting activity.
Ang maong aktibidad gihimo isip pagbuntog sa usab-usab nga matang sa panahon nga resulta sa Global Warming ug kabahin usab kini sa pag-amuma sa kina-iyahan.
Kauban sa KBP Zamboanga del Sur sa Oplan Broadcastreeing 2018 ang Pagadian City ug Provincial Government, Department of Environment and Natural Resources o DENR, Department of Interior and Local Government o DILG, Philippine Information Agency o PIA ug tropa sa Armed Forces of the Philippines.
Lakip nga niaabag ang uban pang ahensya sa gobyerno, mga kolehiyo nga tulunghaan sa probinsya, pipila ka motorcycles club ug iban pang mga stakeholders.
Nanguna usab ang mga magsisibya sa mga AM ug FM Radio Stations.
