Davao City – Subling nanawagan ang Land Transportation Office (LTO-XI) ngadto sa mga tawo nga mobiyahe o mouli sa ilang tagsa-tagsa ka mga probinsya panahon sa Semana Santa nga likayan ang pagsakay sa mga colorum nga sakyanan de pasaheroan sama sa bus, van ug uban pa aron dili maalkanse sa higayong madisgrasya.
Sumala ni LTO-XI Regional Director Atty.Gomer Dy, nagsugod na niadtong nakalabay’ng semana ang ‘Oplan Biyaheng Ayos’ alang karong semanaha gilusad na pinaagi sa pag-inspeksyon sa tanang pampublikong sakyanan sama sa mga bus, van, taxi, PUJ ug uban pa diha sa mga terminal sa pagseguro nga kondisyon ang ilang mga sakyanan ug kumpleto sa mga dokumentos ingon man ang nakapasar sa ‘random drug test’ ang tanang mga drivers ug conductors nga mo-navigar karong mga adlawa.
Giklaro usab ni Dy nga bisan kun Holy Week, padayong magmonitor ang ilang mga personahe sa dagan sa panakayan o biyahe sa mga nagkadaiyang dapit sa Region Eleven.
RadyoMaN Bernard Pantallon
