Davao City- Wala giubos sa Davao City Police Office (DCPO) ang ilahang alerto human sa nahitabong pagpamomba sa Yellow Bus Line sa Tacurong City, Sultan Kudarat.
Sa report, ang bus gikan og Kidapawan City nga paadto sa Tacurong Public Terminal.
Usa ang kumpirmadong namatay sa pagbusikad ug 11 ang samdan.
Sumala ni Police Col. Alberto Lupaz, City Director sa DCPO, gibalik niini ang Oplan Davao Defense System (DDS).
Kini aron sa pagpahugot sa security measures sa borders ug sa syudad aron walay susamang insidente ang mahitabo.
Nagpabilin ang pagpatuman sa syudad nga sa mga designated pick up points ug sa DCOTT lang pweding musakay ang mga pasahero subay mas gihugtan pang paginspeksyon ug checkpoints.
RadyoMaN Aimee Guinita
Facebook Comments
