Oplan greyhound, gilusad sa BJMP Malaybalay

Malaybalay City, Bukidnon – Gipahigayon sa Bureau of Jail Management and Penology kon BJMP ang pinaka-unang Oplan linis piitan o Oplan Greyhound.

Sa interview sa RMN Malaybalay ngadto kang Jail Senior Insp. Shodji *Labis*, City *Jail Warden* *sa* *BJMP-Malaybalay* gibutyag niini nga alayon kini sa programang gipatuman ni bag-ong BJMP head Chief Superintendent Deogracias *Tapayan.*

Programa matud pa kini sa BJMP aron masiguro nga walay kontrabando ilabina ang nanag-unang gibawal sa sulod sa bilangguan sama sa illegal nga droga.


Gipasabot ni Labis nga adunay kalainan kini sa Oplan Galugad, diin ilawom matud pa sa alugad, tan-awon lamang ang mga kontrabando sa selda samtang sa oplan linis piitan, duha ang tumong niini, una ang galugad kon pagsusi kung aduna bay kontrabando ug ang ikaduha, ang pag-limita sa gamit.

Tumong matud pa niini nga hapsay, makalikay sa sakit ug makahigda ug tarong ang mga inmates tungod sa kadaghan niini.

Hinoon matud sa City Jail Warden nga kada semana usab nilang gipahigayon ang Oplan Galugad.

Facebook Comments