Davao City – Surpresang gipailawom og drug test ang dul-an 300 ka mga taxi drivers sa Francisco Bangoy International Airport atol sa Oplan Harabas sa pagpanguna sa Philippine Drug Enforcement Agency XI.
Gikumpirma ni PDEA XI spokesperson Noli Dimaandal atol sa interbyu sa RMN Davao nga 3 sa mga taxi drivers ang positibo sa droga.
Matud ni Dimandaal nga kauban nila ang Land Transportation Office XI, Land Transportation Franchise and Regulatory Board XI, Civil Aviation Authority of the Philippines ug Philippine National Police Aviation Security Unit.
“Kinahanglan pa man nato i-undergo sa confirmatory test and kung ma-found out nga nag-positive sa confirmatory test nga nagagamit sila’g iligal nga droga so the LTFRB and the LTO will be the one nga maghatag og sanctions sa ilaha,” segun ni Dimaandal.
Sumala sa Dimaandal nga nanguna gayod sila sa pagkasa sa maong operasyon aron malikayan ang mga drug related road traffic incidents.
“Ang purpose nato ani is to ensure the safety and security of the passengers, being the drivers kay sila man gud ang gadala sa safety sa ilahang mga pasahero and what if they’re under the influence of illegal drugs so pwedi silang maka-cause og accident, ” gibatbat niini.
Base sa datos sa PDEA XI nga nagpadayon ang pagtaas sa ihap sa disgrasya sa kadalanan gikan 2,026 sa tuig 2011 nisaka kini ngadto sa 10,599 sa tuig 2014.
Sa maong mga aksidente 1,252 ang nisangpot sa kamatayon.
RadyoMaN Aimee Guinita
