Davao City – Ipailawom na sa ‘regular basis’ ang pagpahigayon ug random surprise drug test ngadto sa mga drivers sa pampublikong sakyanan pinaagi sa ‘Oplan Harabas.’
Giklaro ni Philippine Drug Enforcement Agency (PDEA-XI) Regional Director Antonio Rivera nga nationwide kini nga ginahimo karon sa PDEA kauban ang Land Transportation Office (LTO) ingon man sa Land Transportation Franchising & Regulatory Board (LTFRB) apan dili lamang nila ipahibalo kung kanus-a himoon.
Samtang gipasabot usab ni Rivera nga duna usay tulubagon ngadto sa LTFRB ang usa ka operator sa higayong magpositibo sa drug test ang iyang gi-hire nga driver.
Nanawagan usab ang lead anti-narcotics agency ngadto sa tanang mga public utility operators nga ipatuman gayud ang ‘Drug-Free Work Place’ Program subay sa kamanduan mismo ni Pres. Rodrigo Duterte.
RadyoMaN Bernard Pantallon
