Kini ang nahimong tubag ni LTO XI Regional Director Neil Cañedo sa pangutana sa DXDC NEWS TEAM pinaagi sa binayloay og mensahe sa selpon karon lamang buntag.
Basi sa tubag gipaabot ni Director Cañedo, nga lima ka mga terminal palibot sa Rehiyon Onse ang pahigayonan sa “Oplan Harabas” ug kini kabahin sa kampanya sa Rehiyonal nga buhatan alang sa luwas nga pagbiyahe sa mga pasahero nga mupauli sa ilang mga Probinsiya aron didto maghinumdom sa kuwarisma karong semanaha.
Sutaon sa maong aksiyon ang kondisyon sa mga drivers ug sa mga konduktor sa mga bus ug sa mga van nga nagtorno sa mga terminal kini sa pagsiguro nga makaabot sa mga distinasyon ang mga pasahero nga wa’y kakulian ug ma-enkwentro sa ilang pagbiyahe.
Hinoon, wala na gipahibalo sa opisyal kon asa nga terminal ang una nilang rombohon sa “Oplan Harabas” kini aron dili maka -bantay ang mga drivers ug mga konduktor sa ilang kalihokan ning panahon sa Semana Santa.
Radyoman Joel Viray
