Davao City – I-monitor sa Philippine Drug Enforcement Agency XI ang mga drivers nga nagpositibo atol sa Oplan Harabas nga gipahigayon sa nagkadaiyang terminal dinhi sa Davao.
Gibutyag ni PDEA XI Asst. Regional Director Atty. Behn Tesiorna nga duha sa dul-an 300 ka mga drivers sa pampublikong panakayan ang nagpositibo atol sa drugtest kagahapong adlawa.
Gi-refer na ngadto sa Davao City Anti-Drug Abuse Council ang duha ka drivers alang sa intervention ug rehabilistasyon ug gikumpiska usab sa Land Transportation Office ang ilahang mga lisensya.
Matud ni Tesiorna nga sugdan sunod semana ang rehabilitasyon sa duha.
Lakip usab nga gipailawom sa drugtest ang mga drayber sa dyip, trisikel ug truck.
Sumatotal aduna nay napulo ka drivers ang nagpositibo sa gipangkasang aktibidad sukad niadtong 2018, Oplan Undaspot niadtong Nobyembre, Opan Harabas niadtong Disyembre, Oplan Huliweek niadtong Abril diin walo ang nagpositibo.
RadyoMaN Aimee Guinita
