Base sa report, tumong sa maong operasyon nga palig-onon ang internal security, pagpugong sa kriminalidad, ug paglikay sa posible nga pagbalik o pagsulod sa mga Communist Terrorist Groups (CTGs) sa maong lugar pinaagi sa tinud-anay nga police presence ug intelihensiya nga nagpasiugda sa mga combat patrol.
Apil usab sa operasyon ang pagpalig-on sa depensa sa mga kabarangayan nga gilangkuban sa mga lugar nga adunay hulga sa kalinaw ug seguridad.
Gipahimangnoan ni PMAJ Yparraguirre ang katawhan sa pagpadayon sa pagbantay ug pakig-alayon aron mapreserbar ang malinawon nga kahimtang sa Davao de Oro. Dugang pa, iyang gidayeg ang suporta sa mga residente nga aktibong nagtinabangay uban sa kapulisan alang sa kaluwasan ug kalinaw sa probinsya.
RadyoMaN Kareen Beltran
