Davao City – Mas gipahugtan karon sa San Pedro PNP ang pagpahigayon sa Oplan Iron Fortress ngadto sa mga barangay partikular sa ilang area of responsibility sa dakbayan sa Davao.
Sumala ni San Pedro PNP station commander Police Chief Inspector Ramil Macarampat, gisugdan kagahapon sa Barangay 5-A ang pagpahigayon sa Oplan Iron Fortress kun pulong-pulong sa barangay ug pag panghatag og hotline sa San Pedro PNP tumong nga makatabang ang kapulisan sa pagtunol og impormasyon ilabina kun adunay kadudahan nga lihok sa tawo.
Gidugang ni Macarampat nga pinaagi niini, makatabang ang katawhan sa pagsugpo sa street crimes sama sa pagpanglabni og mga butang, pagpangawat, pagpangilad ug paghold up.
Nagtuo si Macarampat nga posible motaas kining mga kaso sa street crime sa bulan sa Nobyembre ug bulan sa Disyembre.
RadyoMaN Don Pulayao
