Gisulti ni BFP Davao City Senior Fire Officer IV Ramil Gillado, bisan pa man og adunay Firecracker Ban Ordinance ang dakbayan, apan padayon gihapon nila ikampanya ang ‘Oplan Iwas Paputok’ dili lang sa Pasko, apan sa pagsugat sa bag-ong tuig usab.
Sumala ni Gillado, bisan tuod og nasayud na silang daan nga walay mapalit nga pabuto sa syudad, apan molibot gihapon sila sa mga Barangay aron ikampanya ang kontra pabuto ug edukahon ang mga Dabawenyo sa dala nga piligro sa pabuto sa lawas sa tawo.
Alayon niini gipahinumduman ni Gillado ang mga Dabawenyo sa dili pagpalit og Christmas lights nga wala moagi sa standard sa DTI, aron malikayan ang sunog ug dili mawad-an og balay samtang saulogon sa mga Dabawenyo ang pasko ug bag-ong tuig.
RadyoMaN Joel Viray
