Davao City – Arestado ang 19 ka mga adunay standing warrant of arrest atol
sa gikasang Oplan Kalinaw (Joint Area Security, Community Service And
Protection Operation Plan) sa nagkadaiyang barangays dinhi sa Davao City.
Giila ang mga dinakpan nga sila John Paul Santos Rusiana sa kasong
qualified theft, Sacresia Pamaong Villote, sa kasong BP 22, Allan Bacanaya
Dagasohan,Romeo Abella Amargo, Richard De Guzman Pasual ug Albert Bañes
Zapanta parehong adunay kasong may kalapasan sa PD 449 (illegal
cockfighting), Marino Jayno sa kasong serious physical injuries and damage
to property, Rommel Roz, adunay kasong bigamy, Ramil J. Dumayac adunay
giatubang nga kasong may kalapasan sa SSS law, Anthony de Pedro Navarro sa
kasong slight physical injury.
Sikop usab sila Christopher Pagas Galabin ug Ronel Ariate Cañete parehong
nagatubang og kasong alarm and scandal, Joseph Paisano sa kasong physical
injuries, Jeffrey Lumactod Sulapas adunay kasong may kalapasan sa
Section 2 (B) of Davao City Ordinance No. 060-02, Ebrencio Fijo Indoyon
nagatubang sa kasong anti-Graft and Corrupt Practices ug John Lord Ybanez
Yee sa kasong paglapas sa RA 9165.
Dugang niini gipangpriso usab ang laing duha pa ka mga suspek nga adunay
kasong alarm and scandal nga sila Jobert Secuya Gumera ug Mark Pacalda
samtang si Jason Dela Peña sa kasong pagpangawat.
Samtang 1,250 ka mga indibidwal ang gi-profile sa nagkadaiyang lugar sa
dakbayan.
Sumala ni Davao City Police Office Spokesperson PSI Ma Teresita Gaspan nga
118 sa mga residente ang wala kapresenta sa ilang mga identification cards.
Ang operasyon gipanguluhan kini sa DCPO uban ang laing pang mga security
units, PRO 11 Health Service ug City Health Office.
Dugang niini, 888 ka mga residente ang naserbisyuhan og libreng medical
check-up ug 849 ka mga tao ang natunolan og libreng bitamina og mga tambal.
RadyoMaN Aimee Guinita
