Oplan Kalinaw gilusad sa Sta. Ana ug San Pedro PNP

4

Davao City- Kapin 300 ka mga tao ang gipailawom og profiling human gipahigayon ang Oplan Kalinaw sa San Pedro PNP ug Sta. Ana PNP kauban ang mga personahe sa RMFB XI, DCPO, Traffic Group, Swat Team ug Task force Davao.

Gihimo ang maong aktibidad sa Purok 8, 9 ug 10 sa Brgy 39-D ug sa Purok 4, 5, Padre Faura St. sa Brgy. 32-D siyudad sa Davao.

Subay sa datus sa San Pedro PNP, nga sa 220 ka mga tawo nga gipailawum sa profiling, 196 ang adunay gipresenta nga IDs, 24 ang wala samtang sa Sta. Ana PNP, 147 ang gipailawom sa profiling diin 135 ang adunay napresenta nga ID, samtang 12 niini ang walay IDs.

Dugang niini, ubos sa mga areas sa duha ka police station, mokabat sa kapin 140 ka mga residente ang nakabenepisyo sa free medical mission ug nahatagan og libreng tambal.

Samtang upat usab ka wanted person ang nasikop sa kapulisan human gisilbe ang warrant of arrest batok kanila Rogelio Valencia nga adunay kasong Staffa, Analyn Leuterio ,Jonelo Moran ug Everam Gementiza sa kasong kalapasan sa RA 7610.

RadyoMaN Don Pulayao

Facebook Comments